Á Vísindavöku RANNÍS 24. september kynntu Hjalti Jóhannesson og Jón Þorvaldur Heiðarsson ýmsar rannsóknir RHA í þágu samfélagsins. Að þessu sinni var lögð áhersla á rannsókn á samfélagsáhrifum álvers- og virkjunarframkvæmda á Austurlandi, samfélags- og efnahagsleg áhrif samgöngubóta og nýlega, norræna rannsókn, sem RHA tók þátt í og varðar mikilvægi þekkingarstarfa fyrir atvinnu- og byggðaþróun. Er þetta í 4. sinn sem RHA tók þátt í Vísindavökunni.

Þann 24. ágúst auglýsti ESPON eftir umsóknum um styrki til eftirfarandi rannsóknarþema (Targeted analysis):

a) ADES - Airports as Drivers of Economic Success in Peripheral Regions. (300.000 evrur)

 b) AMCER - Advanced Monitoring and Coordination of EU R&D Policies at Regional Level. (350.000 evrur)

Sjá nánar hér.

Umsóknarfrestur er 19 október 2010.

Nú í byrjun ágúst kom til starfa dr. Eva Halapi sem er sérfræðingur í ónæmisfræði. Eva mun starfa við RHA sem sérfræðingur og taka að verulegu leyti við starfssviði Sigrúnar Sifjar Jóelsdóttur sem hefur fæðingarorlof í september. Einnig mun Eva sinna ákveðnum störfum er varða ráðgjöf vegna umsókna í rannsóknasjóði og ráðgjöf vegna rannsókna akademískra starfsmanna.
Við bjóðum Evu velkomna til liðs við RHA.

In beginning of August dr. Eva Halapi joined RHA as a researher. Eva has a specialization in immunology but will take part in diverse projects. She will also provide support to the university's academic staff both regarding applications in research funds and consultation concerning research of academic staff.
We welcome Eva to RHA.

Í júní síðastliðnum tóku starfandi sérfræðingar hjá RHA þátt í 5. ráðstefnu um hnattræna heilsu og bólusetningar (Conference on Global health and Vaccination) sem skipulögð var af Norwegian Research Council, Norwegian Forum for Global Health Research og Háskólann í Tromsö. 
Fram til þessa hefur umfjöllun um fyrirbyggjandi aðgerðir í tengslum við hnattrænar loftlagsbreytingar beinst að umhverfi en loftlagsbreytingar munu einnig hafa umtalsverð áhrif á heilsu og lífsgæði manna.  Eitt af meginmarkmiðum ráðstefnunnar var að finna leiðir til að útvíkka það vísindalega samstarf sem þegar er til og mynda ný tengsl í þeim tilgangi að afla nauðsynlegrar þekkingar um áhrif loftlagsbreytingar á heilsu manna fyrir stefnumótunaraðila.

Nú er komin út lokaskýrsla í norræna rannsóknarverkefninu REKENE sem RHA hefur tekið þátt í ásamt Atvinnuþróunarfélagi Eyjafjarðar (AFE) frá haustmánuðum 2007. Verkefnið fjallar um það hvernig þekking verður til, er miðlað og hagnýtt í efnahagslegu tilliti á nokkrum landsvæðum á Norðurlöndunum. Lokaráðstefna verkefnisins verður haldin hjá Nordregio í Stokkhólmi 24.-25. ágúst næstkomandi.

RHA hefur komið að undibúningsvinnu álvers í Maniitsoq á vesturströnd Grænlands með því að gera aðgengilegar upplýsingar úr rannsókn á samfélagsáhrifum stórframkvæmdanna á Austurlandi. Er hér um dæmi að ræða hverning þær upplýsingar sem þar hefur verið safnað eru að nýtast. Aðstæður eru á margan hátt mismunandi en ljóst er að ýmsa reynslu má yfirfæra milli þessara tveggja staða. Hér má sjá heimasíðu grænlenska verkefnisins og hér er að finna skýrslu RHA frá júní 2010.

RHA kom að undirbúningi umhverfismats álvers á Bakka við Húsavík sem var í kynningarferli í upphafi sumars. Hér má finna heimasíðu verkefnisins og hér er sérfræðiskýrsla RHA um samfélagsáhrif álversins. Smávægileg uppfærsla upplýsinga verður í endanlegri matsskýrslu miðað við sérfræðiskýrslu RHA að loknum athugasemdafresti enda var henni lokið í ársbyrjun 2009.

Út er komin skýrsla um samfélagsáhrif vegar um Dynjandisheiði sem var unnin að beiðni Vegagerðarinnar. Fram kemur að nokkur svið samfélagsins geta orðið fyrir áhrifum enda skapast miklir möguleikar á auknum samskiptum þegar heilsárssamgöngur komast á milli sunnan- og norðanverðra Vestfjarða. Skýrsluna má nálgast hér.

Hr. Ólafur Ragnar Grímsson, forseti Íslands og Halldór Jóhannsson, framkvæmdastjóri KEA, afhentu 5,3 milljónir króna úr Háskólasjóði KEA við athöfn sem fram fór á Sólborg, húsnæði Háskólans á Akureyri við Norðurslóð 12. júní.

Þetta er í áttunda sinn sem úthlutað er úr Háskólasjóði KEA. Samkvæmt samkomulagi sem KEA og Háskólinn á Akureyri gerðu með sér eru veittir námsstyrkir, styrkir til rannsókna, búnaðarkaupa og sérverkefna. Einnig eru veitt verðlaun vegna námsárangurs til nemenda á hug- og félagsvísindasviði, heilbrigðisvísindasviði og viðskipta- og raunvísindasviði.

Við úthlutun er almennt horft til verkefna sem eru viðbót við samþykkta starfsemi HA og/eða samstarfsstofnana, þar sem verkefni fela í sér ný eða aukin tækifæri fyrir nemendur og starfsfólk og eru til þess fallin að efla byggð og tengingu við atvinnulíf, menningu eða náttúrufar félagssvæðisins.

Úthlutun námsstyrkja og verðlaun vegna námsárangurs voru samtals 7 og til úthlutunar voru rúmlega 1,1 milljón króna.

Umsóknir í flokki rannsókna, til búnaðarkaupa og sérverkefna voru 29 talsins og upphæðin sem sótt var um rúmar 23 milljónir. Tólf styrkir voru veittir en alls komu rúmar 4,2 milljónir til úthlutunar.

Í lok maí fór Guðrún Rósa Þórsteinsdóttir, forstöðumaður RHA í fæðingarorlof. Hjalti Jóhannesson mun gegna starfi forstöðumanns til áramóta en þá snýr Guðrún aftur til starfa.

At end of May Gudrun Rosa Thorsteinsdottir, RHA's director, went on maternal leave. Hjalti Johannesson will take on duties as director until end of this year when Gudrun returns from her leave.