RHA og RMF fóru í sína árlegu vorferð 29. maí síðastliðinn. Í stuttu máli þá heppnaðist ferðin vel
í alla staði og komu allir ánægðir heim.
Starfsfólk RHA og RMF á góðri stundu
Hópurinn byrjaði á því að fara í blóðþrýstingsmælingu hjá hjúkrunardeild Háskólans á
Akureyri og má segja að yfir höfuð er líkamlegt atgervi starfsfólk RHA og RMF gott. Þar á eftir fór hópurinn í heimsókn
til Björgunarsveitarinnar Súlna á Akureyri og fékk kynningu á tækjabúnaði og starfsemi sveitarinnar. Þar á eftir var boðið
í siglingu með Húna II í hávaða roki en athyglisvert þótti hversu stöðugur báturinn var í rokinu. Þegar komið var
að landi var haldið í menningarhúsið Hof og fengu menn að spreyta sig á söng á aðalsviði hússins. Eftir vel heppnaðan dag var
haldið á veitingahús og snæddur kvöldmatur í góðu yfirlæti og góðum félagsskap.
