Vinnufundur um nýsköpunarstefnur á Norðurlöndunum
Tuttugasta og annan nóvember næstkomandi heldur Nordregio vinnufund sem ber yfirskriftina „Vinnufundur um nýsköpunarstefnur á Norðurlöndunum – Hvernig er hægt að hagnýta Lissabon-áætlunina“. Fundurinn verður haldinn í húsakynnum Nordregio í Stokkhólmi og stendur frá 10:00 til 16:00.
Umræddur vinnufundur er hluti af verkefninu „Regional tilpasset innovationspolitik i Norden“. Markmið verkefnisins er að kanna hvort það sé mögulegt að skilgreina markmiða og stuðnings skemu sem eru nauðsynleg til þess að móta almenna nýsköpunarstefnu fyrir svæði á Norðurlöndunum og svæði utan helstu þéttbýlissvæðanna sérstaklega. Þess má geta að Ingi Rúnar Eðvarðsson, prófessor við Viðskipta- og raunvísindadeild Háskólann á Akureyri, er í ráðgjafahópi umrædds verkefnis.
Á vinnufundinum í nóvember verða niðurstöður verkefnisins „ State-of-the-Art-report“ kynntar.
Eftirfarandi spurningar verða lagðar til grundvallar á fundinum:
Hvað vitum við og hvað vitum við ekki um hvernig svæðisbundin nýsköpunarkerfi eru undir áhrifum af national stefnum og áætlunum?
Hvernig hafa markmið Lissabon-áætlunarinnar áhrif á svæðisbundnar nýsköpunarstefnur á Norðurlöndunum?
Er ástæða til þess að móta sérstaka „Norðurlandaaðferð“ við að túlka Lissabon-áætlunina?
Sérstök áhersla verður lögð á að ræða möguleikana á því að móta nýsköpunarstefnu sem tekur mið af sérstökum aðstæðum þeirra svæða sem liggja utan helstu þéttbýlissvæðanna á Norðurlöndunum.
Markhópur vinnufundarins eru embættismenn á Norðurlöndum sem vinna með svæðisbundnar nýsköpunarstefnur á landsvísu.
Endanleg fundaráætlun verður tilbúin um miðjan október.
Þeir sem hafa áhuga á því að taka þátt eru beðnir um að senda staðfestingu á þátttöku til Riikku Ikonen (riikka.ikonen@nordregio.se) fyrir 31. október